• 88507615
  • sergelen.zdtg2021@gmail.com
"Тогтвортой амьжиргаа-3" төслөөс ОНХС-ийн иргэдийн саналыг цахим хэлбэрээр авахад зориулсан "ОНХС" гар утасны аппликейшнийг хөгжүүлж ашиглалтад оруулж байгаатай холбогдуулан дараах мэдээллийг хүргэж байна

Сангийн яам, "Тогтвортой амьжиргаа-3" төслөөс ОНХС-ийн иргэдийн саналыг цахим хэлбэрээр авахад зориулсан "ОНХС" гар утасны аппликейшнийг хөгжүүлж ашиглалтад оруулж байгаатай холбогдуулан дараах мэдээллийг хүргэж байна.

ОНХС-ийн үйл ажиллагааны журмын дагуу иргэдийн саналыг жил бүр 1-6 дугаар сард санал асуулгын хуудас бөглүүлэх, бүлгийн ярилцлага хийх, цахим гэсэн 3 хэлбэрээр авахаар заасан.

Тэгвэл энэ жилээс цахимаар санал авахад зориулан ОНХС-ийн Удирдлагын мэдээллийн систем болон гар утасны аппликэйшн ашиглалтад орсноор иргэд цахимаар саналаа өгөх боломж бүрдэж байна.

Санал асуулгыг 4 дүгээр сарын 15-аас 5 дугаар сарын 30-ыг дуустал хугацаанд авахаар бэлтгэл ажил хийгдэж нөгөөдөр санал асуулга эхлэх гэж байна.

Иргэдийн саналыг цахимаар авснаар иргэд болон төрийн албан хаагчдын явдал чирэгдлийг багасгах, цаас, хэвлэгчийн хор, шатахуун зэрэг зардлуудыг хэмнэх, хялбаршуулсан байдлаар саналыг нэгтгэхэд цаг хугацаа хэмнэх зэрэг олон талын бодит давуу талуудтай.

Үүнээс гадна аппликейшнээр зөвхөн санал өгөөд зогсохгүй ОНХС-ийн цаг үеийн мэдээ мэдээлэл, өөрийн аймаг, сумандаа хуваарилагдсан ОНХС-ийн санхүүжилт, иргэдийн гаргасан санал, ИНХ болон ИТХ-ын тогтоолуудаар батлагдсан жагсаалт, тендер шалгаруулалт, ажлын явц, санхүүжилтийн хуваарь, хөрөнгө оруулалтын өмнөх, явцын болон дараах гэрэл зургууд, хууль эрх зүйн мэдээлэл, ОНХС-ийн талаар болон тухайн хөрөнгө оруулалтад өргөдөл, гомдол гаргах гээд олон талын дата, мэдээллүүдийг гар утаснаасаа үзэх боломжтой болж байгаа юм.

Түүнчлэн ОНХС апп нь E-Mongolia болон Үндэсний танилт нэвтрэлтийн ДАН системтэй холбогдсон учраас иргэнийг харьяаллын дагуу, давхардалгүй саналыг нь авах боломжтой болсноороо онцлогтой. Өөрөөр хэлбэл иргэн E-Mongolia системд бүртгэлтэй байх шаардлагатай. Хэрэв бүртгэлгүй бол санал өгөх явцдаа бүртгэлээ баталгаажуулан саналаа өгөх боломжтой.

Аппликейшнийг эхний ээлжинд буюу энэ жилийн хувьд Нийслэл болон 21 аймгийн төвийн сумдад заавал ашиглах бөгөөд бусад сумдын хувьд аппликейшнийг ашиглан цахим санал асуулга зохион байгуулах боломж нээллттэй. Учир нь ОНХС аппликейшн нь интернетийн сүлжээ орсон дурын газраас ажиллах боломжтой болоод байна.

Иймээс аймаг, сумдын удирдлагын зүгээс орон нутагтаа тус аппликейшнийг иргэдэд таниулах, нэвтрүүлэх үйл ажиллагааг зохион байгуулахад дэмжлэг үзүүлж хамтарч ажиллах шаардлагатай байна.

Аппликейшнийг 4 дүгээр сарын 15-ы өдөр албан ёсоор нээж ашиглалтад оруулах бөгөөд цахим санал асуулгын хугацаанд улс орон даяар сурталчлан таниулах ажлыг зохион байгуулж эхэлнэ. Харин аймаг, сумын удирдлагууд үүнтэй зэргэцэн өөрийн орон нутгийн иргэдэд цахим санал асуулгыг нээх, эхлүүлэх ажлыг зохион байгуулж, иргэдэд сурталчлан таниулах, шат шатны албан хаагчдаар дамжуулан санал асуулгыг зохион байгуулахад хамтран ажиллахыг хүсье.

ОНХС гар утасны аппликейшнтэй холбоотой олон нийтэд хандсан видео, хэвлэн тараах материалын эх, ашиглах заавар зэрэг материалуудыг ОНХС-ийн цахим хуудсанд (https://tusuv-oronnutag.mof.gov.mn/?p=16162) 21 дугаартайгаар байршуулсан байгаа тул тэдгээр материалуудыг татаж авч ашиглан хэвлэн тараах, сошиалаар түгээх, хамтран ажилладаг орон нутгийн телевиз, радио, сонин, сайт гэх мэт хэвлэл мэдээллийн байгууллагуудаар цацуулах, нийтлэх бүрэн боломжтой. Үүнд:

1. ОНХС-ийн шторк

2. ОНСХ-ийн танилцуулга видео

3. ОНХС-ийн Удирдлагын мэдээллийн системийн танилцуулга видео

4. ОНХС гар утасны аппликейшний ерөнхий танилцуулга видео

5. ОНХС гар утасны аппликейшний иргэдэд зориулсан богино шторк (15-ны өдөр гэхэд байршсан байна)

6. ОНХС Апп-ий B5 хэмжээтэй брошурын эх ар, өвөр (Иргэдэд зориулан хэвлэн тараах, сошиал хуудсаар нийтэлж болно)

7. ОНХС Апп-ий А3 зурагт хуудас (Хэвлэж олон нийтийн газарт байршуулах болон сошиалд нийтэлж болно-15 гэхэд байршсан байна)

8. ОНХС цахим санал асуулгын 10 минутын нэвтрүүлэг (Дараа долоо хоногт байрших)

9. Апп суулгах, ашиглах, ЗДТГ-аас санал болгох төслийн саналуудыг хэрхэн шивж оруулах заавар (15 гэхэд байршсан байна)

9. ОНХС Апп-ий баннер, стэнд, сошиал постерууд зэрэг материалууд. Цаашид санал асуулгын хугацаанд нэмж байршуулсаар байх болно.

Иймд дээрх материалуудыг ашиглан ОНХС-ийн цахим санал асуулгыг өргөн хүрээнд зохион байгуулах, иргэддээ таниулах, мэдээлэл түгээхэд хамтран ажиллахыг орон нутгийн удирдлага, төрийн албан хаагчид, багийн Засаг дарга нараасаа хүсэж байна.

Жич: Иргэн "ОНХС" аппликейшнээс гадна ОНХС-ийн удирдлагын мэдээллийн системийн www.onhs.mof.gov.mn цахим хуудсаар саналаа өгөх боломжтой.

Цахим санал асуулга нь санал авах нэг л хэлбэр тул цахимаар саналаа өгөх боломжгүй бусад иргэдийн өөр хэлбэрээр саналаа өгөх эрхийг хязгаарлахгүй болно.

Цахим санал асуулгыг орон нутгийн Засаг дарга түүний Тамгын газар хариуцан зохион байгуулах бөгөөд "Тогтвортой амьжиргаа-3" төслийн аймаг дахь ажилтнууд арга зүйн зөвлөмж өгч дэмжин ажиллана. Шаардлагатай тохиолдолд ТА-3 төсөл хэрэгжүүлэх нэгжийн 70009828 дугаарт холбогдох боломжтой.

Та бүхэн дан ганц аппликейшнтэй холбоогүйгээр ОНХС-ийн мэдээ, мэдээллийг иргэддээ хэрхэн, хэдэн удаа, хэдэн хүнд түгээж ажилласан талаар зураг болон тайлан, мэдээгээ ТА-3 төслийн аймаг хариуцсан төслийн ажилтан болон Аймаг дахь чадавх бэхжүүлэх багтаа хүргүүлж ажилд дэмжлэг үзүүлэхийг хүсье.

        
    	    
        <div style= 2022-04-25 00:00:00